Tekste këngësh
Lirim Alija
O PIKA UJI...
O pika uji që atë trup përshkoni
Juve ndoshta ju duket lojë
A e dini vallë cilën vajzë pastroni
Apo s'mund të flisni se nuk keni gojë
Sikur ju të kishit pak ndjenja
Dhe ta dinit cilin trup lani
Ju nga pika uji të thjeshta
Do të bëheshit lotë që qani
O pika uji që paski fat
Mbi lëkurë të njomë të rrëshqisni
Zbardhojeni sa më shumë atë shtat
Por ngjyrën e flokëve,kujdes mos ia prishni
O pika uji sa kam dëshirë
Me ju që më ngjani si margaritarë
Nuk them se do ju kisha pirë
Po edhe unë me ju do isha larë
DASHURIA NE KOHERAT E TRAZIRAVE
Nëpër misteret e kohës dhe hapësirës
Ku çdo hap i bërë mund të jetë rrezik
Të ngulfatur nga kohë e trazirës
Ndjej krahët tu dhe nuk kam frikë
Ne jetojmë në një epokë
Që bëjmë më shumë pyetje se përgjigje
Por jam krenar që në këtë botë
Të kam ty që më hapë shtigje
Në këtë kohë hajnash dhe kusarësh
Mitingje bretkosash fundin ia nxjerrin
Të dërmuar nga sulme barbarësh
Ndjej buzët tua dhe duar që përkëdhelin
Në këtë shekull të trazuar
Ku lëvruam kulturën që të mbijë vetëdija
Të gjithë sëbashku për ta kuptuar
Se botën do ta shpëtojë vetëm Dashuria..................
Lirim Alija,dhjetor,2010,Rieti,Italy
TI I KISHE...
Siç po e shoh ti paske lindur
Që t'më thuash se jam "gabim"
Për disa gjëra që s'i kisha ditur
Dhe jeta më shkonte në mjerim
Për atë që mendoja deri dje
Dhe e merrja si të vërtetë
"s'ka dashuri",kisha këtë ide
"Ajo ka "vdekur" në Shekullin 18
Njerëzit kur flisnin për këtë sentiment
Gjithmonë i kam përbuzur
Ndonse shpeshherë edhe vetë
Shumë vargje për Të kam thurrur
Mirëpo, befas ardhja yte
Në mua bëri ndryshim radikal
çdo rrugë të errët e shndërite
Nga një labirint më bëre të dal
U bëre sfidë bindjeve të mia
Që më parë pata krijuar
Më bëre të kuptoj çka është dashuria
Dhe çfarë magjie ka kjo e uruar
S'mund të bëja asgjë tjetër
T'i shmangem, të bëj refuzime
Sepse ti i kishe të gjitha "çelësat"
Për të hyrë në zemrën time......................
Lirim Alija..maj,2011,Italy
AJO ME HAPI SHUMË HORIZONTE
Vështirë qenka të dashurosh në këtë moshë
Ku jetën shikoj duke kthyer kokën pas
Si ndonjë plak që kërkon lëmoshë
I strukur skaj një rruge dhe s'mund të flas
Ju do të thoni deri tani ç'bëra..?!
Dhe a nuk pata të tjera gëzime..?!
Por at' që e prita me vite të tëra
Shumë vonë erdhi në jetën time
Më parë isha në errësirë
Dhe s'e kuptoja çka më mungonte
Pastaj u shfaq kjo vajzë e mirë
Që më hapi shumë horizonte
Ajo erdhi kur e ndjeja veten
Si një i goditur nga ndonjë meteor
Më duhet patjetër ta them të vërtetën
Ajo ma solli Pranverën në nëntor
Më parë kam pasur pjesë dashurie
Por ishin copë e grimë si ndonjë mozaik
Vetëm ardhja e saj ma bëri me dije
Si të jem në jetë romantik...................... ..
Lirim Alija,maj 2011,Italy
KUR KISHA PAK SHENJA JETE
E dashur të shkruaj nga larg
nga një vend perëndimor
Asnjë shigjetë s'më ka mbet' në hark
Vetëm ajo që quhet AMOR
Ditëve të fundit shpesh më bën pyetje
Pse unë i dhënë kaq shumë pas teje
Kjo për mua është si një stërpikje
I një shiu të një reje
Shpesh më bën pyetje moj Edlira
Pse i dhënë si rrjedha e një lumi
Për mua është nga ato dëshira
E një ëndrre të një gjumi
Për të jetuar na nevojitet:
oksigjeni,uji dhe të tjera elemente
Por njeriu gjithmonë do të zvarritet
Po nuk pati sentimente
Një gjë ti duhet ditur
Thelbin e një të vërtete
Ti,e bukur më erdhe papritur
Atëherë kur kisha pak "shenja" jete..................
Lirim Alija,Rieti,prill,2011
